Avesta - KCK’ê êrîşên nijadperestî yen li Înegol û Dortyolê mîna êrîşên bi plan û rêxistinkirî binav kirin û banga xweparastinê û lidarxistina çalakiyên protestoyî...

KCK: Xwe biparêzin!

Avesta - KCK’ê êrîşên nijadperestî yen li Înegol û Dortyolê mîna êrîşên bi plan û rêxistinkirî binav kirin û banga xweparastinê û lidarxistina çalakiyên protestoyî li gelê kurd kir.

Serokatiya Konseya Rêveber a Koma Civakên Kurdistanê (KCK) êrîşên li Înegol û Dortyolê li hember kurdan mîna êrîşên bi plan û rêxistinkirî ne û banga xweparastina di nava disîplînê li kurdan kir.

KCK’ê di serî de Amed banga çalakiyê li tevahiya gelê kurd kir.

Di daxuyaniya KCK’ê de hate ragihandin ku dewleta tirk a mêtînger ji roja hatiye avakirin xwestiya kurdan bi polîtikayên tevkujî û asîmîlasyonê tune bike û ji ber nikariya bi van polîtîkayan gelê kurd tune bike niha li bajarên tirkan bi lînc kirinê dixwaze bêrêxistin bihêlê û teslîm bigire.

‘ÊRÎŞÊN RÊXISTINKIRÎ NE’

KCK’ê derbarê bûyerên lîncê û êrîşên li hember kurdan ên li Dortyol a Hatayê de jî ev nirxandin kir: “Piştî êrîşên li Înegola Bursayê vê carê jî li Dortyola Hatayê di bin çavdêriya polîs û leşkeran de li hember kurdan hewladana tevkujiyê pêk hatiye. Êrîşên li hember gelê me yê Dortyolê hêna jî berdewam dikin. Di rewşên ku êrîşên komên nijadperest û faşîst têrê nakin de polîs û leşker li hember gelê me ketiye nava êrîşê. Ev êrîş bi şêwazekî bipîlan û rêxistinkirî pêk tên. Bi vê yekê tê xwestin gelê me çavtirsandî bibe û di nava netewetiya tirkbûnê de were helandin. Ji salên 1990’î ve mîna polîtîkayeke dewletê li gelek navçe û bajaran kurd bûne hedef, gelek mirovên kurd hatine qetilkirin, birîndarkirin û zirarê madî pêk hatine.”

ANF

Avestakurd